तेह्रथुम । युनियन लाइफ इन्स्योरेन्स कम्पनी बसन्तपुर उपशाखाले दुई जना बिमितलाई मृत्यु दावीको १२ लाख ५७ हजार ४५ रुपैयाँ सोमबार एक कार्यक्रमको आयोना गरी भुक्तानी गरेको छ । केही समय अघि मृत्यु भएका लालीगुराँस नगरपालिका ४ चित्रेका निर वहादुर गुरुङ र लालीगुराँस नगरपालिका २ केवुकका उदीनमान गुरुङको परिवारलाई उक्त रकम कम्पनीले हस्तान्तरण गरेको हो ।
कम्पनीले बसन्तपुर वजारको गुराँस स्तम्भ चोकमा एक कार्यक्रमको अयोजना गरी उक्त मृत्यु दाबी रकम हस्तान्तरण गरेको हो । कार्यक्रममा लालीगुराँस नगरपालिकाका नगर प्रमुख अर्जुन माबोहाङ र कम्पनीका १ नम्वर प्रदेश उपप्रमुख नवीन मिश्रले संयुक्त रुपमा बिमितका परिवारलाई रकम उल्लेखीत चेक हस्तान्तरण गरे । निरवहादुरले १० लाख र उदीनमानले २ लाख रुपैको जीवन विमा गराएका थिए । विभिन्न कारणले मृत्यु भएका दुवैजनाको परिवारलाई झण्जटरहित तरीकाले चाँडै मृत्युदावी रकम भुक्तानी गरीएको कम्पनीका बसन्तपुर उपशाखा प्रमुख सुमन लिम्बुले जानकारी दिए । आफुहरुले तेह्रथुम सहित संखुवासभा, धनकुटा पाँचथर, ताप्लेजुङ लगायत जिल्लाका दुर्गम ग्रामिण क्षेत्रमा समेत पुगेर विमा सेवा दिईरहेको उपशाखा प्रमुख लिम्बुले वताए ।
मृत्युदावी भुक्तानी कार्यक्रममा विमितका परिवारलाई चेक हस्तान्तरण गर्दैं लालीगुराँस नगरपालिकाका प्रमुख अर्जुन माबोहाङ र नेकपा एमाले लालीगुराँस नगर कमिटि अध्यक्ष गणेश सेनेले न्युन आय भएकाहरुका लागि विमा कार्यक्रम एकदमै प्रभाकारी भएकाले सवैलाई आफ्नो जीवन गराउन आह्वान गरे । ०७५ सालमा स्थापना भएको उपशाखाले हाल सम्म ५ सय जना वढीको जीवन विमा गराईसकेको जनाएको छ ।
.jpg)
