तेह्रथुम । तेह्रथुमका नवनिर्वाचीत जनप्रतिनिधीहरुले पद तथा गोपनीयताको सपथ लिएका छन् । दुई नगरपालिका सहित ६ स्थानीय तहका प्रमुखलाई जिल्ला न्यायधीस महेन्द्र प्रसाद पोखरेलले जिल्ला प्रशासन कार्यालयको सभाहलमा सपथ खुवाएका हुन् ।
नगर प्रमुख र गाउँपालिका प्रमुखलाई सदरमुकाम म्याङलुङमै बोलाएर सपथ खुवाईएको न्यायधीस पोखरेलले वताए । म्याङलुङ नगरपालिकाका प्रमुख सञ्जय कुमार तम्बाहाम्फे, लालीगुराँस नगरपालिकाका प्रमखु अर्जुन मावोहाङ, छथर गाउँपालिकाका अध्यक्ष सन्तविर लिम्वु, फेदाप गाउँपालिकाका अध्यक्ष केशव प्रसाद भेटवाल, मेन्छयायेम गाउँपालिका अध्यक्ष यादव वहादुर खापुङ र आठराई गाउँपालिकाका अध्यक्ष दिलकुमार पाहिमले न्यायधीस पोखरेल संग सथप लिएका हुन् । उप प्रमुख, उपाध्यक्ष र वडाध्यक्षहरुलाई भने नगरप्रमुख र गाउँपालिका अध्यक्षले सम्वन्धित पालिकामै पुगेर सपथ खुवाउने छन् ।
गत वैशाख ३० गते सम्पन्न स्थानीय तहको निर्वाचनमा जिल्लाका ६ स्थानीय तह मध्ये लालीगुराँस नगरपालिका सहित फेदाप र आठराई गाउँपालिका गठवन्धन दलको तर्फ बाट नेपाली कांग्रेस र म्याङलुङ नगरपालिका सहित छथर र मेन्छ्यायेम गाउँपालिका नेकपा एमाले विजयी भएको छ ।
