तेह्रथुम । फेदाप गाउँपालिका केन्द्र पोक्लाबाङ बजारमा माद्यामिक विद्यालय स्तरीय अखिल कप पुरुष फुटबल प्रतियोगिता शुरु भएको छ । अनेराष्यवियु जिल्ला कमिटि तेह्रथुमद्धारा आयोजीत प्रतियोगितामा जिल्लाभरका १२ माद्यामिक विद्यालयका खेलाडी टिमको सहभागीता छ ।
अनेराष्यवियुले सहिद दिवसको अबसर पारेर प्रत्येक बर्ष नियमित रुपमा प्रतियोगिता आयोजना गर्दै आएको छ । विद्यालय स्तरमा खेलकुद क्षेत्रको विकास गर्ने उदेश्यले प्रतियोगिता आयोजना गरीएको अनेराष्यवियुका केन्द्रीय सदस्य प्रकास श्रेष्ठले वताए । प्रतियोगिताको गाउँपालिका अध्यक्ष हरी चोङबाङले एक कार्यक्रमका विच उद्घाटन गरे । प्रतियोगिता तीन दिन सम्म संचालन हुनेछ । प्रतियोगिताको विजेताले नगद ३० हजार र उपविजेता टिमले २० हजार रुपैंया नगद पुरस्कार प्राप्त गर्नेछन् ।
.jpg)
