तेह्रथुम । अमर्यादित गतिविधीमा संलग्न भएको भन्दै तेह्रथुम वहुमुखी क्याम्पस चुहानडाँडामा कार्यरत राजनीति शात्रका उपप्रध्यापक लोकेन्द्र सिटौलालाई नेपाल प्रगतिशील प्राध्यापक संगठनले कारवाही गरेको छ । पटक पटकको निर्देशनको समेत अवज्ञा गर्दै सिटौलाले संगठनमा आँच आउने काम गरेकाले निलम्बन गरी कारवाही गरीएको विज्ञप्तीमा उल्लेख छ ।
संगठनका अध्यक्ष लक्ष्मण खड्काद्धारा जारी विज्ञप्तीमा विद्यालय हाता भित्रै अनैतिक गतिविधिमा संलग्न शिक्षकको चरित्रहिन गतिविधि प्रति घोर निन्दा गरीएको छ । अनैतिक गतिविधिमा संलग्न भएको पाईएपछि सहायक क्याम्पस प्रमुख रहेका सिटौलालाई यस अघि क्याम्पस प्रशासनले कारवाहीका लागि त्रिभुवन विश्वविद्यालय समक्ष सिफारीस गरेको थियो । सिफारीसका आधारमा त्रिवीले सिटौलालाई उपप्रध्यापक र सहायक क्याम्पस प्रमुख पद बाट समेत हटाएको थियो ।
.jpg)
