तेह्रथुम । तेह्रथुमको छथर गाउँपालिकामा नेपाली कांग्रेस पार्टी परित्याग गरी धेरैको संख्यामा नेपाल कम्युनिस्ट पार्टी नेकपामा प्रवेश गरेका छन । लामो समय देखी नेपाली कांग्रेसमा आस्था राखीरहेका छथर क्षेत्रका करीब १ सय नेता तथा कार्यकर्ता नेकपामा प्रवेश गरेको गाउँपालिका अध्यक्ष सन्तविर लिम्बुले वताए । कांग्रेस परित्याग गरेका सवै नेता कार्यकर्ताले संयुक्त विज्ञप्ती प्रकाशीत गरी नेकपाले नेतृत्व गरेको स्थानीय सरकारले जनमुखी र लोकप्रीय काम गरेको र सो काम बाट आफुहरु प्रभावित भएको जनाएका छन् ।
नेपाली कांग्रेस परित्याग गरेका सवै नेता कार्यकर्ताले कांग्रेसले जिम्मेवार प्रतिपक्षको भुमिका निर्वाह गर्न नसकेको, कांग्रेस पार्टी र नेताहरु जनता प्रति उत्तरदायी नभएको, स्वच्छाचारी भुमिका निर्वाह गरेको, कार्यकर्तालाई बेवास्था गरेको आरोप विज्ञप्ती मार्फत पार्टीलाई लगाएका छन् । कांग्रेस परित्याग गरेका सवैले कांग्रेस भित्र उदण्डता मौलाएको, उदण्ड गतिविधि सामाजीक सञ्जालमा लेख्ने गरेको, स्थानीय सरकारका लोकप्रीय र राम्रा कामलाई पनि जनता सामु नराम्रो भनेर भ्रम सृजना गरी नकारात्मक प्रचार गरेको, छथरबासी जनताको चाहाना र विकास निर्माणमा अहोरात्र खटीएका छथर गाउँपालिकाका नेतृत्वको चरित्र हत्या गर्न खोजेको लगायतका आरोप लगाएका छन् ।
कांग्रेस परित्याग गरी नेकपामा प्रवेश गरेका अधिकांश नेता कार्यकर्ता कांग्रेस पार्टी तथा भातृ संगठनमा काम गर्दै आएका थिए । कांग्रेस परित्याग गरेका सवैले नेकपाले संचालन गरेको स्थानीय तह देखी प्रदेश र केन्द्र सरकारका काम मन पराएर नेकपामा प्रवेश गरेको जानकारी दिए । नेकपा प्रवेश गरेका सवैलाई छथर गाउँपालिकाका अध्यक्ष सन्तविर लिम्बु तथा नेकपाका अन्य नेता कार्यकर्ताले एक कार्यक्रमका विच स्वागत गरेका थिए । नेकपा प्रवेश गरेका सवैलाई पार्टीले उचित जिम्मेवारी दिएर पार्टी र जनमुखी काममा खटाउने नेकपाका जिल्ला अध्यक्ष लक्ष्मण तिवारीले वताए ।
