विराटनगर । प्रदेश १ सरकार विस्तार भएको छ । दुई जना मन्त्री थप गर्दै मुख्यमन्त्री भीमप्रसाद आचार्यले सरकार विस्तार गरेका हुन् । नयाँ सरकारमा लछुमन तिवारी र बलबहादुर साम्सुहाङ मन्त्री बनेका छन् । तिवारीलाई उद्योग पर्यटन वन तथा वातावरण मन्त्रालयको जिम्मेवारी दिइएको छ भने । साम्सोहाङले सामाजिक विकास मन्त्री को जिम्मेवारी पाएका छन् ।
उनीहरूलाई प्रदेश प्रमुख सोमनाथ अधिकारी ‘प्यासी’ले पद तथा गोपनीयताको शपथ गराएका छन् । तिवारी तेह्रथुमका र साम्सुहाङ ताप्लेजुङ्गका प्रदेशसभा सदस्य हुन् । दुबैजना यसअघि माधव नेपाल निकट रहेपनि दल विभाजन हुँदा एमालेमै रहने निर्णय गरेका थिए ।
