तेह्रथुमको फेदाप गाउँपालिकामा नेपाली कांग्रेस वहुमत सहित विजयी

राजनीति

गृहपृष्ठ
राजनीति
तेह्रथुमको फेदाप गाउँपालिकामा नेपाली कांग्रेस वहुमत सहित विजयी

तेह्रथुमको फेदाप गाउँपालिकामा नेपाली कांग्रेस वहुमत सहित विजयी

आइतबार, जेठ १, २०७९ समय खवर

तेह्रथुम–तेह्रथुमको फेदाप गाउँपालिकाको अध्यक्ष र उपाध्यक्ष पदमा नेपाली कांग्रेसका उम्मेदवार विजयी भएका छन् । कांग्रेस उम्मेदवार केशव प्रसाद भेटवाल ४ हजार ४१ मत प्राप्त गरी विजयी भएका हुन् ।

उपाध्यक्षमा गठवन्धनको तर्फ बाट माओवादी केन्द्रकी उम्मेदवार सुनीता पाहीम ३ हजार ९ सय ८५ मत प्राप्त गरी विजयी भएकी छिन् ।
विजयी भेटवालका प्रतिद्धन्दी हरीप्रसाद चोङबाङले ३ हजार ८ सय ७९ मत प्राप्त गरेका छन् । चोङबाङ निवर्तमान गाउँपालिका अध्यक्ष हुन् । त्यस्तै उपाध्यक्षमा विजयी पाहीमकी प्रतिष्पर्धी गितादेवी थापाले ३ हजार ७ सय २५ मत प्राप्त गरेको निर्वाचन अधिकृत इन्द्र कुमार श्रेष्ठले वताए । थापा निवर्तमान उपाध्यक्ष हुन् ।

अघिल्लो स्थानीय तह निर्वाचनमा फेदाप गाउँपालिकामा अध्यक्ष र उपाध्यक्ष दुवै पदमा विजयी भएका चोङवाङ र थापा यस पटकको निर्वाचनमा भने पराजीत भए । एमालेको पकड रहेको फेदापमा यस पटक वहुमत सहित नेपाली कांग्रेस विजयी भएको छ । ५ वडा रहेको फेदापमा १ र ५ नम्बर वडामा एमाले विजयी भएको छ भने २, ३ र ४ मा नेपाली कांग्रेसका उम्मेदवार विजयी भएका छन् ।

प्रकाशित मिति: आइतबार, जेठ १, २०७९ २३:५०