पाँचथर । पाँचथरको मिक्लाजुङ गाउँपालिका अध्यक्षमा नेपाल कम्युनिष्ट पार्टी (माओवादी केन्द्र) का उम्मेदवार अमरराज माखिम र उपाध्यक्षमा नेपाली कांग्रेसका सन्तकुमार सेर्मा निर्वाचित भएका छन् ।
मंगलबार दिउँसो १ बजे सार्वजनिक भएको अन्तिम मतपरिणाम अनुसार एमालेका नरेन्द्रकुमार बस्नेतलाई २ हजार ३९ मतान्तरले हराउँदै माखिम अध्यक्ष पदमा निर्वाचित भएका हुन् । माखिमले ६ हजार ६५ मत प्राप्त गर्दा बस्नेतले ४ हजार २६ मत प्राप्त गरेका छन् । अध्यक्षमा निर्वाचित माखिम २०७४ सालमा पनि अध्यक्ष पदमै विजयी भएका थिए ।
उपाध्यक्षमा एमालेकी धनमाया सारु मगरलाई २ हजार २ सय ७० मतान्तरले हराउँदै सेर्मा निर्वाचित भएका हुन् । सेर्माले ५ हजार ५ सय ४२ मत प्राप्त गर्दा सारुलाई ३ हजार ३ सय ७२ मत प्राप्त भएको छ । उपाध्यक्षमा निर्वाचित सेर्मा भने मिक्लाजुङ २ को वडाध्यक्ष थिए । उनी कांग्रेसको मिक्लाजुङ गाउँपालिका सभापति पनि हुन् ।
