तेह्रथुम । तेह्रथुमको प्रदेशसभा १ मा नेकपा एमालेका उम्मेदवार किशोरचन्द्र दुलाल विजयी भएका छन् । ६५ बर्षिय दुलाल १० हजार ६३ मत प्राप्त गरी विजयी भएका हुन् । उनका प्रतिष्पर्धी कांग्रेसका उम्मेदवार सन्तोष सुव्वालाई दुलालले २ सय ८ मतले पछि पारेका हुन् । सुव्वाले ९ हजार ८ सय ५५ मत प्राप्त गरे ।
पुर्व जिविस सभापती रहेका दुलाल हाल नेकपा एमाले १ नम्वर प्रदेश सचिवालय सदस्य हुन् । दुलाल ०३१ साल देखी २०५० साल सम्म शिक्षकका रुपमा सरकारी सेवामा कार्यरत थिए ।
०७८ साल माघ देखी २०७९ साल साउन सम्म जिल्ला भुमी आयोग तेह्रथुमको अध्यक्ष रहेका दुलाल जिल्लामा भलाद्मी, सादगी र इमान्दर नेताका रुपमा चिनिन्छन् । जिविस सभापती हुंदा दुलालले जिल्लाका खोलानालामा झोलुङगे पुल र ग्रामिण सडक निर्माणमा अग्रणी भुमिका खेलेका थिए । जित पछि समग्र जिल्लाको विकासका लागि योजनावद्ध तरीकाले विकास गर्नेमा आफु लाग्ने प्रतिवद्धता दुलालले गरे ।
