तेह्रथुममा थप ८ जनामा कोरोना भाईरस संक्रमण पुष्टि, संक्रमीतको संख्या १८ पुग्यो

शिक्षा/स्वास्थ्य

गृहपृष्ठ
शिक्षा/स्वास्थ्य
तेह्रथुममा थप ८ जनामा कोरोना भाईरस संक्रमण पुष्टि, संक्रमीतको संख्या १८ पुग्यो

तेह्रथुममा थप ८ जनामा कोरोना भाईरस संक्रमण पुष्टि, संक्रमीतको संख्या १८ पुग्यो

मंगलबार, भदौ ९, २०७७ समय खवर

तेह्रथुम । तेह्रथुमको म्याङ्लुङमा थप ८ जनामा कोरोना भाईरस संक्रमण पुष्टि भएको छ । मंगलबार पहिचान भएका ८ सहित तेह्रथुममा कोरोना भाईरस संक्रमण हुनेको संख्या १८ पुगेको प्रमुख जिल्ला अधिकारी विश्वराज न्यौपानेले जानकारी दिए । मंगलबार कोरोना संक्रमण पुष्टि हुनेमा सदरमुकाम म्याङलुङका स्थानीय र एक जना नेपाली सेना रहेको प्रशासनले जनाएको छ ।
विपी कोइराला स्वास्थ्य विज्ञान प्रतिष्ठान धरानमा परिक्षणका लागि म्याङलुङका १ सय जनाको स्वाब संकलन गरी परिक्षणका लागि पठाईएकोमा ८ जनामा संक्रमण देखीएको प्रशासनले जनाएको छ । परिक्षणाका लागि पठाईएका नमुना मध्ये बाँकी ९२ जनाको नतिजा नेगेटीभ आएको जिल्ला स्वास्थ्य कार्यालयले जनाएको छ । पाँच दिन अघि जिल्ला अदालतका कर्मचारी र तीनका परिवार गरी १० जनामा कोरोना भाईरस संक्रमण पुष्टि भएको थियोे ।
संक्रमण पुष्टि भएका सवै जनालाई सदरमुकाममै रहेको सरस्वती माबिमा निर्माण गरीएको आईसोलेसनमा राखीएको प्रजिअ न्यौपानेले वताए । संक्रमीत सवैको स्वास्थ्य अवस्था सामान्य रहेको छ । जिल्लामा पहिलो पटक यति धेरैको संख्यामा भाईरस संक्रमण पुष्टि भएपछि प्रशासनले एक साताका लागि निषेधाज्ञा जारी गरेको छ । जिल्ला संकट व्यवस्थापन समितिको वैठकले जिल्ला भित्रका सवै हाट बजार र पसल बन्द गरी आवत जावत समेत पुर्णरुपमा बन्द गर्ने निर्णय गरेको छ ।

प्रकाशित मिति: मंगलबार, भदौ ९, २०७७ २०:५९