तेह्रथुम । तेह्रथुमको आठराई गाउँपालिका ४ ईवा तीनसल्लेमा एक महिलाको हत्या गरिएको अवस्थामा विहिबार शव फेला परेको छ । २८ वर्षीया विन्दा पुरीको ईवा तीनसल्ले स्थित आफ्नै घरमा हत्या गरीएको अवस्थामा शव फेला परेको ईलाका प्रहरी कार्यालय संक्रान्तिका प्रहरी निरीक्षक शेसकराम थान्दारले वताए । विन्दाका श्रीमान् वैदेशिक रोजगारीमा दुबईमा छन् । उनका १० वर्ष र १५ महिनाका दुई छोराहरू रहेकोे वडा अध्यक्ष श्यामकुमार भट्टराईले जानकारी दिए । घटनाको थप अनुसन्धानका लागि प्रदेश प्रहरी कार्यालय विराटनगर बाट तालिम प्राप्त कुकुृर सहितको टोली घटना स्थल आईपुगेको प्रहरी निरीक्षक थान्दारले वताए ।
