तेह्रथुम । तेह्रथुमको लालीगुराँस नगरपालिका ९ सोल्मा स्थित भालु खोलाले बगाउँदा एक जनाको आज मृत्यु भएको छ भने एक जना घाईते भएका छन् । भालु खोलामा आएको वाढीले वगाउदा म्याङलुङ नगरपालिका–६ कि ३७ बर्षिय अञ्जना लिम्बुको मृत्यु भएको जिल्ला प्रहरी कार्यालय तेह्रथुमले जनाएको छ ।
तेह्रथुमकै छथर गाउँपालिका सुदापमा रहेका आफन्तकोमा जान भनी हिडेका ३ जना मध्ये लिम्बु सहित उनका श्रीमान भेषराज लिम्बुलाई खोलाले बगाएको हो । खोलाले वगाए पछि बेपत्ता भएकी लिम्बुको २ घण्टा पछि केही तल शव फेला परेको थियो । लिम्बुका श्रीमान भेषराजको भने जिल्ला अस्पताल तेह्रथुममा उपचार भैरहेको प्रहरीले जनाएको छ ।
