तेह्रथुमको वसन्तपुरमा ट्याक्टर दुर्घटना, एकको मृत्यु, दुई को अवस्था गम्भीर

अपराध/दुर्घटना

गृहपृष्ठ
अपराध/दुर्घटना
तेह्रथुमको वसन्तपुरमा ट्याक्टर दुर्घटना, एकको मृत्यु, दुई को अवस्था गम्भीर

तेह्रथुमको वसन्तपुरमा ट्याक्टर दुर्घटना, एकको मृत्यु, दुई को अवस्था गम्भीर

शनिबार, असार ११, २०७९ समय खवर

तेह्रथुम । तेह्रथुममा ट्याक्टर दुर्घटना हुंदा एक जनाको मृत्यु भएको छ । ट्याक्टरमा सवार अन्य दुई जना गम्भीर घाईते भएका छन् । लसुने बाट वसन्तुर तर्फ आउदै गरेको प्रदेश १ ०२००३ त नम्वरको ट्याक्टर बसन्तपुर नजीक जीरोप्वाईन्टमा गएराती दुर्घटनामा परेको हो ।

दुर्घटनामा परी ट्याक्टरमा सवार लालीगुराँस नगरपालिका ७ सुङनामकी ४६ बर्षिया पवित्रा कुमारी मगरको मृत्यु भएको जिल्ला ट्राफिक प्रहरी कार्यालय तेह्रथुम वसन्तपुरका प्रमुख प्रहरी सहायक निरीक्षक भुवन विकले जानकारी दिए ।

सोही स्थानका ट्याक्टर चालक बर्ष २२ का जयन्त कुमार लिम्बु र ट्याक्टरमा सवार २२ बर्षिय ललित कुमार मगरको अवस्था गम्भीर छ । घाईते दुवैको बसन्तपुर स्थित प्राथमिक स्वास्थ्य केन्द्रमा उपचार हुन नसकेपछि थप उपचारका लागि धरान स्थित विपी कोईराला स्वास्थ्य विज्ञान प्रतिष्ठान तर्फ पठाईएको प्रहरीले जनाएको छ । रातको समयमा लागेको बाक्लो हुस्सुका कारण चालकले सडक नदेख्दा दुर्घटना भएको हुनसक्ने प्रहरीको अनुमान छ ।

प्रकाशित मिति: शनिबार, असार ११, २०७९ ०७:४६