तेह्रथुममा ६६ दशमलब ९४ प्रतिशत मत खस्यो

राजनीति

गृहपृष्ठ
राजनीति
तेह्रथुममा ६६ दशमलब ९४ प्रतिशत मत खस्यो

तेह्रथुममा ६६ दशमलब ९४ प्रतिशत मत खस्यो

शुक्रबार, वैशाख ३०, २०७९ समय खवर

तेह्रथुम । तेह्रथुममा शान्तिपूर्ण रुपमा मतदान सम्पन्न भएको छ । ६ वटै स्थानीय तहमा शान्तिपुर्ण रुपमा मतदान सम्पन्न भएको प्रमुख जिल्ला अधिकारी अनोज कुमार घिमिरेले वताए ।

५७ मतदान स्थल र ९५ मतदान केन्द्रमा ६६ दशमलब ९४ प्रतिशत मत खसेको जिल्ला निर्वाचन कार्यालयले जनाएको छ । ७२ हजार ८ सय ९५ मतदाता संख्या रहेको जिल्लामा ४८ हजार ७ सय ९८ मात्र मत खसेको थियो ।
छिटफुट घटना बाहेक सवै स्थानीय तहमा शान्तीपूर्ण रुपमा निर्वाचन सम्पन्न भएको प्रजिअ घिमिरेले जानकारी दिए । मतदान केन्द्रहरुबाट मतपेटीका ल्याउने क्रम जारी रहेको छ । जिल्लाका सम्बन्धित नगरपालिका केन्द्रहरुमा नै मतपेटिका राखेर मतगणनाको कार्य सुरु गराउने मुख्य निर्वाचन अधिकृत महेन्द्र प्रसाद पोखरेलले वताए ।
मतदानको समय सकिए पछि राति १० बजे सम्ममा सवै मतदान केन्द्रको मतपेटीका आईसक्ने निर्वाचन कार्यालयले जनाएको छ । स्थानीय तहमा खटीएका निर्वाचन अधिकृतका अनुसार मतपेटीका गणना स्थलमा आईपुगेपछि सर्वदलिय बैठक राखेर तत्कालै मतगणना सुरु गरिनेछ । सवै स्थानीय तहको मतगणना स्थलमा फलामको जाली र तारबार गरी सुरक्षीत बनाईएको छ । मतगणनाको निगरानीका लागि सिसी क्यामरा जडान गरीएको मुख्य निर्वाचन अधिकृत पोखरेलले वताए ।

प्रकाशित मिति: शुक्रबार, वैशाख ३०, २०७९ १९:३३