तेह्रथुमको लालीगुराँस नगरपालिकामा वहुमत सहित कांग्रेस विजयी

राजनीति

गृहपृष्ठ
राजनीति
तेह्रथुमको लालीगुराँस नगरपालिकामा वहुमत सहित कांग्रेस विजयी

तेह्रथुमको लालीगुराँस नगरपालिकामा वहुमत सहित कांग्रेस विजयी

सोमबार, जेठ २, २०७९ समय खवर

तेह्रथुम । तेह्रथुमको लालीगुराँस नगरपालिकामा वहुमत सहित नेपाली कांग्रेसका उम्मेदवार विजयी भएका छन् । नगर प्रमुख पदमा कांग्रेसका उम्मेदवार अर्जुन माबोहाङ ५ हजार १ सय ३९ मत प्राप्त गरी विजयी भएका हुन् ।

माबोहाङले प्रतिद्धन्दी नेकपा एकालेका उम्मेदवार गणेश सेनेलाई १ हजार ७ सय ९५ मत अन्तरले पछि पार्दै जित हात पारेका हुन् । सेनेले ३ हजार ३ सय ४४ मात्र मत प्राप्त गरे । विजयी माबोहाङ निवर्तमान नगर प्रमुख हुन् ।
नगर उपप्रमुख पदमा पनि नेपाली कांग्रेसकी जमुना मगर कार्की ४ हजार ८ सय ८७ मत प्राप्त गरी विजयी भएकी छिन् । उनी प्रतिद्धन्दी नेकपा एमालेका उम्मेदवार छवीमायाँ तिम्सीनालाई १ हजार २ सय ९३ मत अन्तरले पछि पार्दै विजयी भएकी हुन् । विजयी मगर अघिल्लो स्थानीय तह निर्वाचनमा नेकपा एमालेको तर्फ बाट नगर उपप्रमुख पदमा पराजीत भएकी थिईन् । केही समय पछि मगर एमाले परित्याग गरी नेपाली कांग्रेस प्रवेश गरेकी हुन् ।
कांग्रेसले लालीगुराँस नगरपालिकाको २, ३, ४, ७, ८ र ९ नम्बर वडामा विजय हासील गरेको छ । त्यस्तै एमालेले १ र ६ नम्वर वडा र ५ नम्वर वडामा एमालेको सहयोगमा स्वतन्त्रका उम्मेदवार महेन्द्र लिम्बु विजयी भएका छन् ।

प्रकाशित मिति: सोमबार, जेठ २, २०७९ २०:०३