तेह्रथुम २ मा कन्दङवालाई पछि पार्दै माओवादी केन्द्रका चापागाँई विजयी

राजनीति

गृहपृष्ठ
राजनीति
तेह्रथुम २ मा कन्दङवालाई पछि पार्दै माओवादी केन्द्रका चापागाँई विजयी

तेह्रथुम २ मा कन्दङवालाई पछि पार्दै माओवादी केन्द्रका चापागाँई विजयी

बिहीबार, मंसिर ८, २०७९ समय खवर

तेह्रथुम । आठराई गाउँपालिका ५ छातेढुंगाका ३९ वर्षीय युुुवा दुर्गाप्रसाद चापागाँई (सचिन) तेह्रथुम प्रदेशसभा २ बाट प्रदेशसभा सदस्यमा निर्वाचित भएका छन् । सत्ता गठवन्धनको सहयोगमा माओवादी केन्द्रबाट उम्मेदवारी दिएका चापागाँई ८ हजार ३ सय ९४ मत प्राप्त गरी विजयी भएका हुन् ।
विद्यार्थी जीवनमै माओवादी राजनीतिमा लागेका चापाँगाई संग माओवादीमा विद्यार्थी, पार्टीको जनसंगठन परिचालन, नीति निर्माणको योजना वनाउने लगायतका काम गर्दै माओवादी लडाकुका रूपमा सशस्त्र विद्रोहमा सहभागी भएर काम गरेको अनुभव छ । नेकपा एमालेका उम्मेदवार तेजमान कन्दङवालाई २ सय ९४ मतले पछि पार्दै चापागाँई निर्वाचीत भएका हुन् । शान्ति प्रक्रिया पछि उनी पार्टीको जिल्ला ईन्चार्ज तथा अध्यक्ष समेत भएका थिए । उनको निकटतम प्रतिद्धन्दी एमालेका उम्मेदवार कन्दङवाले ८ हजार १ सय मत प्राप्त गरेका छन् ।
आफु भन्दा झण्डै दोव्वर वढी उमेरका कन्दङवालाई पछि पार्र्दै युवा उमेरका चापागाँइ जिल्लाको राजनीतिमा उदाएका छन् । उनको क्षेत्रमा आठराई, फेदाप र मेन्छ्यायेम गरी तीन गाउँपालिका छन् । ०७० मा चापागाँई संविधानसभा सदस्यमा मा उम्मेदवारी दिएका थिए । त्यस वखत उनले जिल्लामा तेस्रो मत प्राप्त गरेका थिए । ०७४ मा सम्पन्न स्थानीय तहको निर्वाचनमा तीन वटै स्थानीय तहमा एमाले विजयी भएको थियो ।

तर गत बैशाख ३० मा सम्पन्न स्थानीय तह निर्वाचनमा भने मेन्छ्यायेम गाउँपालिका वाहेक अन्य दुईमा गठवन्धनको सहयोगमा कांग्रेस विजयी भएको थियो । आंफै पार्टी अध्यक्ष र निवर्तमान प्रदेशसभा सदस्य समेत रहेका कन्दङवाले अघिल्लो पटकको त्यो बिरासत जोगाउन सकेनन् ।
पछिल्लो समय जिल्लाको प्रदेश निर्वाचन क्षेत्र २ का आठराई, फेदाप र मेन्छ्यायेम गाउँपालिका भित्र विद्युतीकरण र ग्रामिण सडक निर्माणमा उल्लेख्य भुमिका खेलेका माओवादीका केन्द्रीय सदस्य समेत रहेका विजयी चापागाँई यस पटक मतदाताको नजरमा परेका छन् ।

चापागाँई बर्षमान पुन अर्थ र उर्जामन्त्री हुंदा स्वकीय सचिव थिए । त्यस वखत चापागाँईले जिल्लाको विकास निर्माणमा उल्लेख्य वजेट भित्र्याउन भुमिका खेलेका थिए । पछिल्लो समय जिल्लामा सडक सञ्जालको विस्तार, व्यवासायिक कृषि क्षेत्रको बिकास र स्वरोजगारका अवसरहरू सिर्जना भएका छन् । यसको जस पनि युवा उम्मेदवार चापागाँईले लिन खोजीरहेका छन् ।
आफ्नो क्षेत्रमा युवा मतदाता थपिएको र कसलाई मत दिंदा काम गर्न सक्छ ? भनेर निर्णय गर्न सक्ने अवस्थामा धेरै मतदाता पुगेकाले आफ्नो जीत भएको चापागाँईको भनाई छ । ‘म यस अघि टेष्ट नभएको उम्मेदवार भएकाले पनि मेरो पक्षमा धेरै मतदाता लागे’ चापागाँईले भने । एमालेको बलियो पकड रहेको यो क्षेत्र एमाले अध्यक्ष केपी शर्मा ओली, कम्युनिष्ट नेताहरु राधाकृष्ण मैनाली, सिपी मैनाली, कांग्रेस नेता कृष्ण प्रसाद सिटौला लगायतका नेताहरुको जन्म स्थान समेत हो ।

प्रकाशित मिति: बिहीबार, मंसिर ८, २०७९ २१:२४