तेह्रथुम । पाँचथरको कुम्मायक गाउँपालिकामा जारी तेस्रो कुम्मायक आमन्त्रण रनिङ गोल्डकपको उपाधी आयोजक कुम्मायक गाउँपालिकाले हात पारेको छ । सोमबार भएको अन्तिम फाइनल खेलमा मिक्लाजुङ गाउँपालिकालाई १ का बिरुद्ध ३ गोल गर्दै कुम्मायक गाउँपालिकाले उपाधी हात पारेको हो ।
खेल शुरु भएको २ मिनेटमा कुम्मायकका अविशेक लिम्बुले सानदार गोल गर्दै आफ्नो टिमलाई अग्रता दिलाएका थिए । दबावमा परेको मिक्कलाजुङले खेलको २० औं मिनेटमा फ्रिकिकको अवसरलाई सदुपयोग गर्दै गोल गरेपछि खेल १–१ को बरावरीमा रोकीएको थियो । त्यस लगतै कुम्मायकले पाएको फ्रिकिकको मद्धतले गोल गरेको थियो । खेलको हाफ समयको २७ औं मिनेटमा लोकेन्द्र थापाले थप गोल गरेपछि कुम्मायकले उपाधी चुम्न सफल भएको थियो । खेलको म्याद अफ दि म्याद कुम्मायक गाउ“पालिकाका दिप्सन लावती घोषित भए । उनले ट्रफि मेडल र नगद हात पारे ।
प्रतियोगिताको बेष्ट प्लेयर कुम्मायकका दिनेश शेर्मा, हाईस्कोर अविशेक लिम्बु, राइजिङस्टार लोकेन्द्र थापा, बेस्ट मिडफिडर हेमत्त दर्नाल, बेस्ट किपर कविन्द्र लावती घोषित भए उनिहरुले नगद ट्रफि र मेडल प्राप्त गरे । त्यस्तै बेस्ट फरर्वाड मिक्लाजुङ गाउपालिकाका दिपेश वर्देवा, बेस्ट डिफेन्डरमा बासुदेव राई भए । उनिहरुले ट्रफि मेडल र नगद प्राप्त गरे ।
बिजेता कुम्मायक गाउँपालिकाले नगत एक लाख ११ हजार १ सय ११ रुपैंया सहित २ केजीको चादीको ट्रफि मेडल र प्रमाण पत्र प्राप्त ग¥यो । उपबिजेता बनेको मिक्लाजुङ गाउँपालिकाले नगद ५५ हजार ५ सय ५५ रुपैंयाँ ट्रफि मेडल र प्रमाण पत्रमा चित्त बुझायो । माघ १ देखि ६ गतेसम्म भएको प्रतियोगितामा जिल्लाको एक नगरपालिका सहित ७ गाउपालिका गरी ८ टीमको सहभागीता रहेको आयोजक कुम्मायक स्पोर्टिङ क्लवले जनाएको छ ।
.jpg)
