प्रदेश १ को कृषि मन्त्रालयद्धारा किसानलाई राहत वितरण

कृषि

गृहपृष्ठ
कृषि
प्रदेश १ को कृषि मन्त्रालयद्धारा किसानलाई राहत वितरण

प्रदेश १ को कृषि मन्त्रालयद्धारा किसानलाई राहत वितरण

बुधबार, साउन १४, २०७७ समय खवर

तेह्रथुम । प्रदेश नम्बर १ को भुमी व्यवस्था, कृषि तथा सहकारी मन्त्रालयले तेह्रथुम र धनकुटाका किसानलाई राहत वितरण गरेको छ । कोरोना भाईरसका कारण देशमा लकडाउन हुदा कृषि तथा पशुपंक्षिजन्य उत्पादनको वजारीकरणमा अवबरोध भै क्षती व्यहोरेका किसानलाई राहत वितरण गरीएको राज्यमन्त्री राम रानाले वताए । मन्त्रालयले तेह्रथुमको बसन्तपुरको बसन्तपुरमै आएर जिल्लाका छनौटमा परेका किसानलाई राहत रकम वितरण गरको हो ।
किसान र कृषि उद्यमीले व्यहोरेको क्ष्ँती न्युनीकरण गर्न सघाउने र आगामी दिनमा किसानलाई पुन ः कृषि पेशामा नै लाग्न प्रेरित गर्न सघाउने उदेश्यले प्रदेश सरकारले किसानमुखी राहत कार्यक्रम ल्याएको राज्यमन्त्री रानाको भनाई छ । राहत वितरण कार्यक्रममा बोल्दै राज्यमन्त्री रानाले विदेश बाट फर्किएका युवाहरुलाई कृषि व्यवसायमा उत्प्रेरीत गर्न विना धितो ५ लाख रुपैंया सम्म व्याज अनुदानमा ऋण दिने कार्यक्रम पनि प्रदेश सरकारले ल्याएको जानकारी गराए । १ नम्बर प्रदेशको कृषि उत्पादनलाई प्राङगारीक वनाउने अभियानमा प्रदेश सरकार लागी परेको वताउदै राज्यमन्त्री रानाले कृषि क्षेत्रलाई सम्मानीत पेशा वनाउन मन्त्रालयले काम गरीरहेको वताए ।
राहत वितरण कार्यक्रममा बोल्दै तेह्रथुम बाट प्रतिनिधित्व गर्ने प्रदेश सांषद लक्ष्मण तिवारीले प्रदेश सरकारले किसानका लागि राहतमुखी कार्यक्रम ल्याएको वताए । तेह्रथुम हेर्ने जिम्मेवारी पाएका कृषि र पशुका कार्यालय धनकुटामा रहेकाले तेह्रथुमका किसानलाई सेवा लिन समस्या भएको भन्दै सांषद तिवारीले चालु आबको प्रथम चौमासीक भित्रै यि दुवै कार्यालय तेह्रथुममा स्थापना गर्न मन्त्री राना समक्ष माग गरे । सांषद तिवारीले लकडाउनका कारण क्षती व्यहोरेका किसानलाई सहयोग पुग्ने गरी राहत प्याकेजकका कार्यक्रम ल्याउन प्रदेश सरकारलाई आफुले निरन्तर दबाव दिईरहेका कारण यो सम्भब भएको वताए ।
कृषि मन्त्रालयले कोरोना भाइरसको कारण सरकारले गरेको बन्दाबन्दीले गर्दा मर्कामा परेका कुखुरा पालन, दुग्ध पदार्थ उत्पादन, दुग्ध उत्पादन, बंगुर पालन, तरकारी खेती लगायतका क्षेत्रमा आवद्ध किसानलाई बसन्तपुरमै आएर राहत वितरण गरेको हो । भेटेनरी अस्पताल तथा पशु सेवा विज्ञ केन्द्र धनकुटा र कृषि ज्ञान केन्द्र धनकुटाले आवेदन दिएका किसान मध्ये वढी क्षती व्यहोरेका किसानलाई राहत वितरण गरेको हो । राहत वितरण कार्यक्रममा भुमी व्यवस्था, कृषि तथा सहकारी मन्त्रालयका सचिब निरु दाहाल, धनकुटा बाट प्रतिनिधित्व गर्ने प्रदेश सांषद तथा न्याय प्रसासन तथा विधायन समिति सभापती इन्द्रमणी पराजुली, धनुकटा बाटै प्रतिनिधित्व गर्ने प्रदेश सांषद निरन राई, धनकुटाका जिविस पुर्व सभापती धर्म पौडेल, लालीगुराँस नगरपालिका प्रमुख अर्जुन माबोहाङ लगायतको समेत उपस्थिती थियो ।
प्रदेश सरकारले किसानका लागि ल्याएको राहत कार्यक्रमले जिल्लाभरका किसानलाई धेरै फार्ईदा पुगेकोे कार्यक्रममा सहभागी छथर दुग्ध उत्पादक सहकारी संस्थाका अध्यक्ष वुद्धिमान खुलालले वताए । देशमा लामो समय भएको लकडाउनका कारण कृषि क्षेत्रमा पुगेको क्षती न्युनीकरण गर्न सघाउने उदेश्यले राहत कार्यक्रम ल्याउन सहयोग गर्ने प्रदेश सांषद तिवारी र प्रदेश सरकारलाई समग्र किसानको तर्फ बाट धन्यवाद दिए ।

प्रकाशित मिति: बुधबार, साउन १४, २०७७ ०६:५८