तेह्रथुम । तेह्रथुमको लालीगुराँस नगरपालिकामा नेपाली कांग्रेसका सयौं कार्यकर्ता पार्टी परित्याग गरी नेपाल कम्युनिष्ट पाटि (नेकपा) मा प्रवेश गरेका छन् । नेपाली कांग्रेस बाट नेतृत्व गरी चुनाब जितेका जनप्रतिनिधी आर्थिक अनियमितता र भ्रष्टचारमा लिप्त भएका भन्दै नगर क्ष्ँेत्रका सयौं कार्यकर्ता कांग्रेस पार्टी परित्याग गरी नेकपामा प्रवेश गरेका हुन् ।
नेपाली कांग्रेस नेतृत्वको स्थानीय सरकार लालीगुराँस नगरपालिकामा राहतको चामल विक्री, नगर बस, स्काभेटर, जेसिवी, ट्याक्टर संचालन, फलफुलका विउ तथा विरुवा खरीद र वितरण, सवारी साधनको इन्धन खरीद, दैनिक ज्यालादारीका कामदार नियुक्ती लगायतका काममा अनियमिततामा मुछिएपछि नगर क्षेत्रका सयौं कार्यकता कांग्रेस पार्टी परित्याग गरी धमाधम नेकपामा प्रवेश गरीरहेका छन् । पछिल्लो एक साता भित्र लालीगुराँस नगरपालिका वडा नम्बर ७ फिर्के, वडा नम्बर ९ सोल्मा, वडा नम्बर ६ सुङनाम, वडा नम्बर ५ दा“गपा लगायतका वडा बाट १ सय २० वढी कांग्रेस कार्यकर्ता र समर्थक पार्टी परित्याग गरी नेकपामा प्रवेश गरेको नेकपा लालीगुराँस नगरकमिटि अध्यक्ष कमल खड्काले जानकारी दिए । सुङनामको फिर्केको एकै टोल बाट नेत्र श्रेष्ठ र सरोज श्रेष्ठको नेतृत्वमा १९ जना कार्यकर्ता कांग्रेस पार्टी परित्याग गरी नेकपामा प्रवेश गरेका छन् । आफुहरुको विश्वासलाई नगर क्षेत्रको कांग्रेस नेतृत्वले धोका दिएर नगरपालिका बाट हुने विकास निर्माण र अन्य सेवा प्रवाहमा समेत विभेद गरेको कांग्रेस परित्याग गरेका युवा सरोज श्रेष्ठले वताए ।
कांग्रेस परित्याग गरेका कार्यकर्तालाई नेकपा जिल्ला कमिटि अध्यक्ष तथा प्रदेश सांषद लक्ष्मण तिवारी, नेकपा नगर कमिटि अध्यक्ष कमल खड्का, सचिब सल वहादुर तिवारी, नेकपाका नेता विर वहादुर सुव्वा, जीत वहादुर भुजेल, अनेराष्यवियुका केन्द्रीय सदस्य प्रकाश श्रेष्ठ, वडा नम्बर ४ का वडा अध्यक्ष प्रेम गौतम लगायतका नेताले स्वागत गरेका थिए । पार्टी प्रवेश कार्यक्रममा बोल्दै स्थानीयले कांग्रेस नेतृत्वको लालीगुराँस नगरपालिका आर्थिक अनियमितता र भ्रष्टचारमा लिप्त भएको आरोप लगाएका थिए । नगरपालिकामा कांग्रेस नेतृत्वका जनप्रतिनिधीले गरेको आर्थिक अनियमितता र सेवा प्रवाहमा गरीएको विभेदका विरुद्ध आफुहरु अब कडा रुपमा प्रस्तुत हुने कांग्रेस परित्याग गरेकाहरुको भनाई छ ।
यसै विच कांग्रेस परित्याग गरेकाहरुलाई कांग्रेस बाट निर्वाचित जनप्रतिनिधी र केही कांग्रेस कार्यकर्ताले फकाउने र धम्क्याउने कार्य गरीरहेको खुलेको छ । नेकपा प्रवेश गरेकाहरुलााई नगरपालिका बाट तत्कालै आर्थिक लाभ हुने योजना दिने भनेर पहिले फकाउने र नमानेमा विभिन्न आरोप लगाएर धम्क्याउने कार्य गरेको नाम नवताउने सर्तमा सुङनाम फिर्केका एक कार्यकर्ताले वताए । कांग्रेस कार्यकर्ता र जनप्रतिनिधी बाट निरन्तर यही कार्य दोहोरीए आफुहरु कानुनी उपचारमा जाने कांग्रेस परित्याग गरेकाहरुको भनाई छ ।
